ಮಂಗಳವಾರ, ಫೆಬ್ರವರಿ 15, 2011

ಅರ್ಧ ಸತ್ಯ

ಟೌನ್ ಹಾಲ್ ಎದುರು
ಬಸ್ಸಲ್ಲಿ ಕೂತವಳ
ಕಣ್ಣಲ್ಲಿ ಕಿತ್ತೂರು ಚೆನ್ನಮ್ಮನ ಖಡ್ಗ
ಬೆನ್ನಲ್ಲಿ
ಸುಟ್ಟ ಸಿಗರೇಟಿನ ಉರಿ

ಸಾವಿರ ವಾಹನಗಳ
ಕೈ ಸನ್ನೆಯಲ್ಲೇ
ನಿಲ್ಲಿಸುವ ಟ್ರಾಫಿಕ್ ಪೇದೆ;
ವರ್ಷ ನಾಲ್ಕಾಯ್ತು
ಪ್ರಮೋಷನ್ ಸಿಗದೆ

"ಇಲ್ಲಿ ಲಿಂಗ ಪತ್ತೆ ಮಾಡಲಾಗುವುದಿಲ್ಲ"
ಹೇಳುತ್ತಿದೆ ಆಸ್ಪತ್ರೆಯ ಫಲಕ
ಹಿತ್ತಲ ಕಸದ ರಾಶಿಯ
ಒಳಗೆ
ಬೆಳಕೇ ಕಾಣದ ಮೊಳಕೆ

ಎಲ್ಲ ಸಮಸ್ಯೆಗೆ
ಪರಿಹಾರ ಹೇಳುವ ಜ್ಯೋತಿಷಿಯ
ಮಗಳು
ಅಚಾನಕ್ಕು ಓಡಿ ಹೋಗಿದ್ದಾಳೆ
ಇಂದು ಜ್ಯೋತಿಷ್ಯಾಲಯ ಬಂದು.

9 ಕಾಮೆಂಟ್‌ಗಳು:

ದಿವ್ಯಾ ಹೇಳಿದರು...

ಚನಾಗಿದ್ದು !!

sunaath ಹೇಳಿದರು...

ಬದುಕು ಇರೋದೇ ಹೀಗೆ. ಒಳ್ಳೆಯ ಕವನ.

pramodc ಹೇಳಿದರು...

ಇದು ಕವನವಲ್ಲ, ಜೀವನ :)

Narayan Bhat ಹೇಳಿದರು...

ನಿಮ್ಮ ತುಂತುರು ಹನಿಗಳು ಚುರುಕು ಮುಟ್ಟಿಸುತ್ತಿವೆ.

Datta3 ಹೇಳಿದರು...

"bere maathe illa.....
thumba chennagive.."

ವೆಂಕಟ್ರಮಣ ಭಟ್ ಹೇಳಿದರು...

ಹಿತ್ತಲ ಕಸದ ರಾಶಿಯ ಒಳಗೆ
ಬೆಳಕೇ ಕಾಣದ ಮೊಳಕೆ .. ಅನ್ನುವ ಮಾತಂತೂ ಕೇಳಲೂ ಬೇಡದ ಸತ್ಯ. ಕವನ ತುಂಬಾ ಚೆನ್ನಾಗಿದೆ

Pramod P T ಹೇಳಿದರು...

nice :)

ಜ್ಯೋತಿ ಮಹಾದೇವ್ ಹೇಳಿದರು...

ಜೀವನದ ಒಂದು ಮುಖ ಸಾರ್ವಜನಿಕ, ಇನ್ನೊಂದು ವೈಯಕ್ತಿಕ. ಅರ್ಧ ಸತ್ಯದ ಹೆಸರಲ್ಲಿ ಎರಡೂ ಮುಖಗಳಿಗೆ ಕನ್ನಡಿ ಹಿಡಿದಿದ್ದೀ ಕಣೋ. ವೆಲ್ ಡನ್.

Anuradha ಹೇಳಿದರು...

ಇದು ಅರ್ಧ ಸತ್ಯವಲ್ಲ ,ಪೂರ್ಣ ಸತ್ಯ ...ಕಂಡೂ ಕಾಣದೆ ಮುಂದೆ ನಡೆದು ಹೋಗುವ ಮಂದಿಯ ಬಗ್ಗೆ ..
ಅಭಿನಂದನೆಗಳು ,